روبی علی کی ریلیف کیمپ میں سیلاب متاثرین کے سامنے پرفارمنس کرنے پر تعریفیں
روبی علی نے ارشاد جاگیرانی کے ہمراہ پرفارمنس کی—فوٹو: عرفان عالمانی فیس بک
ٹک ٹاکر، ماڈل و اداکارہ روبی علی کی جانب سے ساتھی ماڈل، اداکار و گلوکار ارشاد جاگیرانی کے ہمراہ دارالحکومت کراچی میں بنائے گئے ریلیف کیمپ پر پہنچ کر متاثرین کے سامنے پرفارمنس کی ویڈیوز وائرل ہونے کے بعد ان کی تعریفیں کی جا رہی ہیں۔
روبی علی ساتھی گلوکار ارشاد جاگیرانی کے ہمراہ 29 اگست کو کراچی کے علاقے سچل گوٹھ کے قریب واقع شاہنواز شر گوٹھ کے گرلز اسکول میں بنائے گئے ریلیف کیمپ پہنچیں، جہاں وہ متاثرین میں گھل مل گئیں۔
مذکورہ ریلیف کیمپ کے انتظامات سماجی کارکن عرفان عالمانی دیگر ساتھیوں کے ہمراہ دیکھ رہے ہیں، جہاں متاثرین کو تینوں وقت کا کھانا، ادویات، بسترے اور ضرورت کی دیگر چیزیں بھی بروقت فراہم کی جا رہی ہیں۔
https://twitter.com/OfficialAlmani/status/1564726465991790597
مذکورہ ریلیف کیمپ میں ایک ہزار سے کم سلاب متاثرین موجود ہیں جو صوبے کے مختلف علاقوں سے یہاں 27 اگست کو پہنچے تھے، جنہیں کراچی سوشل فورم کے پلیٹ فارم سے عرفان عالمانی اور دیگر ساتھیوں نے سرکاری اسکول میں کیمپ قائم کرکے ان کی مدد کی۔
ڈانس ڈونیشن،
ایسی ہے سندھ میری،رلیف کیمپ مین سندھ کے آرٹسٹ ارشاد جاگیرانی ٹیم کو سلام،
سیلاب متاثرین مین فن کا مظاہرہ کر رہے اور خوشیاں بانٹ رہی،۔!#SindhNeedsDisasterRelief pic.twitter.com/FvLBRQoIdv— Saeed Sangri (@Sangrisaeed) August 30, 2022
اسی ریلیف کیمپ کا صوبائی وزیر شہلا رضا اور ڈسٹرکٹ ایسٹ کے ڈپٹی کمشنر اور دیگر سرکاری عہدیداران اور سیاسی رہنما بھی دورہ کر چکے ہیں جب کہ روبی علی اور ارشاد جاگیرانی نے بھی دیگر افراد کے ہمراہ 29 اگست کو کیمپ کا دورہ کیا اور اس دوران انہوں نے متاثرین کے چہروں پر مسکراہٹیں بکھیرنے کے لیے وہاں مختلف سندھی گیتوں پر پرفارمنس بھی کی۔
روبی علی نے ریلیف کیمپ میں پرفارمنس کی ویڈیو اپنے فیس بک اور انسٹاگرام پر بھی شیئر کیں، جہاں لوگوں نے کمنٹس کرکے ان کی تعریفیں کیں۔
Donate your dance, make them smile ❤️what a kind gesture by #RubiAli and #IrshadJagirani 👍 pic.twitter.com/TpVNRKpUDA
— Amarah Paras dayo (@AmarahParas) August 30, 2022
روبی علی کی پرفارمنس اور کیمپ کے دورے کی تصاویر کیمپ کے منتظم اعلیٰ عرفان عالمانی نے بھی اپنے فیس بک پر شیئر کیں اور ان کی تعریفیں کیں۔
روبی علی کی متاثرین کے ریلیف کیمپ میں پرفارمنس کرنے کی ویڈیوز و تصاویر سوشل میڈیا پر وائرل ہوگئیں اور لوگوں نے ان کی تعریفیں کرتے ہوئے انہیں سچا آرٹسٹ قرار دیا۔
سنڌ جا فنڪار آرٽسٽ
Rubi Ali
کان ويندي Shireen Asa'ad تائين سڀ لڳا پيا آهن ,,پنهنجن پيارن جي خدمت م
ڏينهن رات چوراهن تي چندي کانپوء وري انهن کي تفريح ڏيڻ ,انهن جي منهن تي مسڪراهٽ سچ مچ ته ڪنهن مسيح کان گهٽ ناهي pic.twitter.com/19uorHgIrX— Khalil Bhurgri (@KhalilBhurgri4) August 30, 2022
