سجاول اور گڈاپ سے مزید دو پولیو کیسز سامنے اگئے، سندھ سے سامنے آنے والے کیسز 7 ہوگئے

سندھ میں پولیو وائرس کے مزید 2کیسز سامنے آگئے، جس کے صوبے بھر سے سامنے آنے والے کیسز کی تعداد 7 ہوگئی۔

ایمرجنسی آپریشن سینٹر برائے پولیو سندھ کے مطابق کراچی کے ضلع شرقی کی تحصیل گڈاپ کی یونین کونسل گجرو اور سجاول کی تحصیل جاتی کی یونین کونسل مرید کھوسو سے پولیو وائرس کے کیسز سامنے آئے ہیں۔

دونوں اضلاع میں اس سال رپورٹ ہونے والا یہ پہلا کیس ہے، دونوں کیسز کے بعد رواں برس اب تک صوبے میں سامنے آنے والے کیسز کی تعداد 7 ہوچکی۔

نیشنل ایمرجنسی آپریشن سینٹر کے مطابق رواں سال بلوچستان سے 15، سندھ سے 7، خیبر پختونخوا سے 2، جبکہ پنجاب اور اسلام آباد سے ایک ایک پولیو کیس رپورٹ ہو چکا ہے۔

سندھ میں رپورٹ ہونے والے سات پولیو کیسز میں سے دو کیماڑی، دو حیدرآباد، ایک میرپور خاص، ایک سجاول اور ایک کراچی ضلع شرقی سے سامنے آیا ہے۔